23 jun 2010
22 jun 2010
15 jun 2010
28 may 2010
CINEFÓRUM "MATRIX"
O luns, 24 de maio, rematamos a nosa tempada de cinefórum coa proxección da película "Matrix". Foi introducida, moderada e analizada polo profesor de filosofía Luís Gorrochategui Santos. Ao longo do debate posterior tivemos ocasión de reflexionar fundamentalmente sobre os grandes temas filosóficos que a película nos plantexa: o enfrontamento home-máquina (matrix); o problema do real obxectivo ou subxectivo; o problema da liberdade (pastillas azuis ou vermellas); o amor como tema filosófico...
Como conclusión os presentes rematamos por falar dunha serie de películas da chamada ciencia-ficción que plantexan cuestións de gran interés para a reflexión, ética e filosófica. Démonos un tempo para pensar sobre a posibilidade de facer un ciclo sobre as mesmas o vindeiro ano.
CELEBRANDO O DÍA DO LIBRO
Cando pensamos no xeito de conmemorar o "Día Internacional do Libro" no noso Centro consideramos que debería ser unha ocasión para achegarnos a través dos libros a unha realidade que cada vez é máis importante e está máis presente, unha crecente interculturalidade que debe ser asumida e valorada como un factor de enriquecemento.
Por esta razón pensamos en traballar cunha obra universal, "O Quixote", como plataforma común para o traballo intercultural. Tiñamos o elemento común, só faltaba a diversidade, por iso buscamos entre o alumnado do centro as diversas nacionalidades e linguas.
Con esta idea un grupo de alumnos de 2º da ESO preparou unha pequena adaptación teatral dun cadro inspirado na obra de Cervantes. Acto seguido, cada un dos alumnos e alumnas seleccionados leron o primeiro parágrafo do Quixote ("en un lugar de la mancha...) na súa propia lingua (italiano, alemán, francés, inglés, spanglish, portugués, rumano) e latín. Simultaneamente, proxectábase a lingua na que se recitaba e o orixinal castelán.
4 may 2010
O AMIGO INVISIBLE
Co gallo da conmemoración do día do libro o 23 de Abril, promoveuse unha actividade denominada "O amigo invisible" para levar a cabo un intercambio gratuito de libros. Participou tanto o alumndo como o profesorado, e foi todo un éxito. Aquí vos deixamos o texto co que foi presentada:
Ola a todas e a todos, amigos visibles e invisibles.
Que bo é ter amigos que che regalan libros, ¿non? Xa Roberto Carlos no século pasado cantaba que quería “ter un millón de amigos”, e daquela aínda non había myspace nin twitter nin facebook. Facebook, ¿reparastes na palabra? Book en inglés significa libro. Si, porque os ingleses aman os libros …, isto recórdame un chiste: ¿sabedes como se di mañá non traballo en inglés? I book tomorrow. (…) Non, agora en serio, en galego si que funciona o libro, pensádeo un pouco … ¿xa está? A lectura pódenos liberar de moitas cousas desagradables, entón Libro vai ser a nosa palabra máxica, unha sorte de esconxuro contra aquilo que non nos gusta ou non nos fai ben. Por exemplo, se che din na casa: - A ti habíate que poñer a traballar, como facía eu aos teus anos – Ti espétaslles : - Non, eu, libro - e vas e poste a ler por exemplo O vixía no centeo. Ou se cadra escoitas: - Vístete como é debido, nena, que veñen xantar uns amigos de mamá moi importantes. - Non, é que eu, libro- e pillas, que sei eu, Rebeldes, por dicir un, e vas para o teu cuarto.
Estou convencido de que este noso esconxuro libresco é tamén o mellor xeito de librarnos de tanta parvada e falsidade como se pode escoitar case a diario. Propóñovos un xogo que colgaremos no blog da biblioteca: libros /vs/ parvadas. A ver cales nos recomendades contra estas, seguro que as oístes algunha vez:
- Os profesores sempre teñen razón. ¿Algún libro contra isto? ¿Ou será certo? Seguimos.
- O uso do preservativo non é eficaz na loita contra a sida.
- Adán e Eva existiron.
- Se o fas de pé non quedas embarazada.
- Ler é aburrido.
- Vivimos no mellor dos mundos posibles.
Que bo é ter amigos que che regalan libros, ¿non? Xa Roberto Carlos no século pasado cantaba que quería “ter un millón de amigos”, e daquela aínda non había myspace nin twitter nin facebook. Facebook, ¿reparastes na palabra? Book en inglés significa libro. Si, porque os ingleses aman os libros …, isto recórdame un chiste: ¿sabedes como se di mañá non traballo en inglés? I book tomorrow. (…) Non, agora en serio, en galego si que funciona o libro, pensádeo un pouco … ¿xa está? A lectura pódenos liberar de moitas cousas desagradables, entón Libro vai ser a nosa palabra máxica, unha sorte de esconxuro contra aquilo que non nos gusta ou non nos fai ben. Por exemplo, se che din na casa: - A ti habíate que poñer a traballar, como facía eu aos teus anos – Ti espétaslles : - Non, eu, libro - e vas e poste a ler por exemplo O vixía no centeo. Ou se cadra escoitas: - Vístete como é debido, nena, que veñen xantar uns amigos de mamá moi importantes. - Non, é que eu, libro- e pillas, que sei eu, Rebeldes, por dicir un, e vas para o teu cuarto.
Estou convencido de que este noso esconxuro libresco é tamén o mellor xeito de librarnos de tanta parvada e falsidade como se pode escoitar case a diario. Propóñovos un xogo que colgaremos no blog da biblioteca: libros /vs/ parvadas. A ver cales nos recomendades contra estas, seguro que as oístes algunha vez:
- Os profesores sempre teñen razón. ¿Algún libro contra isto? ¿Ou será certo? Seguimos.
- O uso do preservativo non é eficaz na loita contra a sida.
- Adán e Eva existiron.
- Se o fas de pé non quedas embarazada.
- Ler é aburrido.
- Vivimos no mellor dos mundos posibles.
Agora, a polos agasallos. E feliz lectura.
CINE-FÓRUM
Dende o curso pasado leva funcionando no centro un Cine-Fórum. Ata o de agora proxectáronse as seguintes películas: 'Cobardes (2008) dirixida por José Corbacho e Juan Cruz', 'La ola (2008) dirixida por Dennis Gansel', 'El club de los poetas muertos (1989) dirixida por Peter Weir', 'Gattaca (1997) dirixida por Andrew Niccol', 'Forrest Gump (1994) dirixida por Robert Zemeckis' e 'El indomable Will Hunting (1997) dirixida por Gus Van Sant'. Cada unha destas películas foi presentada por unha persoa distinta, ás veces profesores e outras alumnos (respectivamente: Tino Chao, Xosé Luís Mosquera, Chus Suárez, David Ponte, Dany Marcela e Iván Pedreira).
Na próxima sesión poderemos ver 'Mátrix (1999) dirixida por Larry y Andy Wachowski', e será introducida por Luis Gorrochategui. Como sempre, publicitarase adecuadamente nos taboleiros do instituto para que todo o mundo poida asistir.
28 abr 2010
VAI DE POESÍA
Do compromiso coa palabra poética e coa divulgación da poesía entre os alumnos, nace a actividade “Vai de poesía”. Promover a lectura deste xénero literario e mostrar a expresión poética de diferentes lugares, linguas e tempos terá que axudar a que os novos, ademais de entrar en contacto con este canto eterno, sexan tamén os seus creadores.
A.- Crear hábitos de lectura da poesía
Como profesores, consideramos que a escola debe cumprir a función de crear o hábito da lectura e, como non, da lectura da poesía. A escola é onde os nenos aprenden a ler e os institutos son lugares privilexiados de contacto cos libros. O noso obxectivo como profesores e participantes activos na biblioteca é crear lectores. Para conseguilo, propuxemos as seguintes actividades prácticas:
-Taller de poesía
Montamos un taller de poesía dadaísta. Por que poesía dadá? porque era preciso que os alumnos lle collesen o gusto ao xénero literario menos estimado por eles e consideramos que o carácter lúdico do dadaísmo podía contribuír positivamente. Os resultados foron moi bos e a actividade fixo que os alumnos mostrasen un interese inusitado por este tipo de poemas.
-Abordaxe textual para encamiñar os alumnos para a lectura da poesía
Organizamos a actividade “Vai de poesía” que consiste na elección de varios libros de poesía de diferentes autores, épocas e linguas. Os libros están abertos e mostran poemas que consideramos que podían interesarlles aos alumnos. En pequenos grupos, os alumnos len en voz alta os poemas das páxinas abertas. A exposición na biblioteca está limitada pola escasez de espazo, pero aproveitamos o máximo e escollemos os seguintes poemas e libros:
“Canto XVII. En la ciudad”, da Odisea, de Homero.
“Á primavera”, das Anacreónticas.
“A orixe do mundo” Libro I das Metamorfoses, de Ovidio.
“Podería chamar agora por Kerouac”, de Con pólvora e magnolias, de Xosé Luís Méndez Ferrín.
“O tigre” de Poesía completa, de William Blake.
“Los versos del capitán”, de Neruda.
“Se equivocó la paloma”, de Entre el clavel y la espada, de Alberti.
“Asomaba a sus ojos una lágrima...”, de Rimas y leyendas, de Gustavo Adolfo Bécquer.
“Campanas de Bastabales”, de Cantares Gallegos, de Rosalía de Castro.
“Sós”, de De catro a catro, de Manuel Antonio.
“Polas sombras de Urdilde, con Chopin”, de Os reinos do fulgos, de Manuel Álvarez Torneiro.
Poema neotrobadoresco de Simón Beceiro Cagiao, de Betanzos, oficina literaria.
A finalidade última da abordaxe textual será a realización da “lectura integral” dos textos. Para que ela se torne posible, procedemos por fases, partindo do exterior para o máis profundo, das xeneralidades para a especificidade. Propoñemos tres fases:
1-FASE PREPARATORIA (punto de partida: elementos referentes á obra do autor e á súa época)
2-FASE ANALÍTICA (textos: relectura dos textos e exploración das liñas de sentido)
3-FASE VALORATIVA (punto de chegada: toma de posición do sentido dos textos)
Partimos de que a creatividade e a autoconfianza dos alumnos sexa o criterio principal. Ese é o noso grande obxectivo: dar suxestións para que se adquira a preparación suficiente para que o acto de ler sexa un acto creativo e orixinal, sen complexos.
B.-Páxinas abertas para todos: pode producirse o milagre
Invitamos a todos a ler as páxinas abertas de libros que poñemos ao seu alcance ao entrar na biblioteca. Solicitamos que fagan primeiro unha lectura silenciosa e posteriormente unha lectura en voz alta, sen intermediarios como os profesores.
Producirase o milagre de que os alumnos lean voluntariamente os poemas propostos e que pasen a folla? Esperamos que poidan mergullarse na poesía e descubrir a lectura da mesma como unha actividade apaixonante.
“Vai de Poesía” pretende que os alumnos se pronuncien acerca do valor formativo e estético da lectura dos textos poéticos, explorando todo aquilo que se adecúa ou non á súa sensibilidade, ás súas opcións ideolóxicas e aos seus intereses culturais. Que sexan capaces de ver os textos como algo que pode contribuír á súa formación e á súa preparación para a vida. E sobre todo, que consideren que os textos poéticos non son inútiles para a súa vida.
A.- Crear hábitos de lectura da poesía
Como profesores, consideramos que a escola debe cumprir a función de crear o hábito da lectura e, como non, da lectura da poesía. A escola é onde os nenos aprenden a ler e os institutos son lugares privilexiados de contacto cos libros. O noso obxectivo como profesores e participantes activos na biblioteca é crear lectores. Para conseguilo, propuxemos as seguintes actividades prácticas:
-Taller de poesía
Montamos un taller de poesía dadaísta. Por que poesía dadá? porque era preciso que os alumnos lle collesen o gusto ao xénero literario menos estimado por eles e consideramos que o carácter lúdico do dadaísmo podía contribuír positivamente. Os resultados foron moi bos e a actividade fixo que os alumnos mostrasen un interese inusitado por este tipo de poemas.
-Abordaxe textual para encamiñar os alumnos para a lectura da poesía
Organizamos a actividade “Vai de poesía” que consiste na elección de varios libros de poesía de diferentes autores, épocas e linguas. Os libros están abertos e mostran poemas que consideramos que podían interesarlles aos alumnos. En pequenos grupos, os alumnos len en voz alta os poemas das páxinas abertas. A exposición na biblioteca está limitada pola escasez de espazo, pero aproveitamos o máximo e escollemos os seguintes poemas e libros:
“Canto XVII. En la ciudad”, da Odisea, de Homero.
“Á primavera”, das Anacreónticas.
“A orixe do mundo” Libro I das Metamorfoses, de Ovidio.
“Podería chamar agora por Kerouac”, de Con pólvora e magnolias, de Xosé Luís Méndez Ferrín.
“O tigre” de Poesía completa, de William Blake.
“Los versos del capitán”, de Neruda.
“Se equivocó la paloma”, de Entre el clavel y la espada, de Alberti.
“Asomaba a sus ojos una lágrima...”, de Rimas y leyendas, de Gustavo Adolfo Bécquer.
“Campanas de Bastabales”, de Cantares Gallegos, de Rosalía de Castro.
“Sós”, de De catro a catro, de Manuel Antonio.
“Polas sombras de Urdilde, con Chopin”, de Os reinos do fulgos, de Manuel Álvarez Torneiro.
Poema neotrobadoresco de Simón Beceiro Cagiao, de Betanzos, oficina literaria.
A finalidade última da abordaxe textual será a realización da “lectura integral” dos textos. Para que ela se torne posible, procedemos por fases, partindo do exterior para o máis profundo, das xeneralidades para a especificidade. Propoñemos tres fases:
1-FASE PREPARATORIA (punto de partida: elementos referentes á obra do autor e á súa época)
2-FASE ANALÍTICA (textos: relectura dos textos e exploración das liñas de sentido)
3-FASE VALORATIVA (punto de chegada: toma de posición do sentido dos textos)
Partimos de que a creatividade e a autoconfianza dos alumnos sexa o criterio principal. Ese é o noso grande obxectivo: dar suxestións para que se adquira a preparación suficiente para que o acto de ler sexa un acto creativo e orixinal, sen complexos.
B.-Páxinas abertas para todos: pode producirse o milagre
Invitamos a todos a ler as páxinas abertas de libros que poñemos ao seu alcance ao entrar na biblioteca. Solicitamos que fagan primeiro unha lectura silenciosa e posteriormente unha lectura en voz alta, sen intermediarios como os profesores.
Producirase o milagre de que os alumnos lean voluntariamente os poemas propostos e que pasen a folla? Esperamos que poidan mergullarse na poesía e descubrir a lectura da mesma como unha actividade apaixonante.
“Vai de Poesía” pretende que os alumnos se pronuncien acerca do valor formativo e estético da lectura dos textos poéticos, explorando todo aquilo que se adecúa ou non á súa sensibilidade, ás súas opcións ideolóxicas e aos seus intereses culturais. Que sexan capaces de ver os textos como algo que pode contribuír á súa formación e á súa preparación para a vida. E sobre todo, que consideren que os textos poéticos non son inútiles para a súa vida.
23 abr 2010
E ti que les?
O pasado mes de marzo a nosa biblioteca acolleu no seu interior a fermosa exposición elaborada polo IES de Sabón. A dita exposición que se titula " E ti que les?" tivo unha moi boa acollida entre o noso alumnado e profesorado. Nela, distintas persoas do ámbito cultural galego recomendan a lectura dun libro. Do mesmo xeito, o noso alumnado tamén cubriu unha enquisa na que recomendaban a lectura dalgún libro; o máis votado foi: " Ollos de auga" de Domingo Villar. Así que, animádevos a pasar pola biblioteca e a gozar coa súa lectura.
Temos, ademais, que agradecerlle ao IES de Sabón a confianza depositada en nós. Ata outra.
Temos, ademais, que agradecerlle ao IES de Sabón a confianza depositada en nós. Ata outra.
Suscribirse a:
Entradas (Atom)
